今日蘋果發佈會，除了iPhone5S外，亦有iPhone5C，雖然傳聞的5C口碑不太好，主要都係話「太膠」，「似玩具」，但同樣地現場睇實機，手感和觀感其實都比想像中好得多。雖然感覺仍是膠，但造功不俗，圓潤機身其實感覺比5或5S都更好才手感，加上靚仔撞色設計的外殼，在場不少記者都愛測試配搭不同顏色。特別一提是，雖然發佈中5C功能跟5一樣，但細心觀察機底，便會發現喇叭有點改動，由iPhone5的雙喇叭位，變成5C的單邊4孔喇叭，暫時未知會否影響發聲質素。