當年今日
關於我們

【狂sell出禍】大陸版《深夜食堂》台籍導演稱被迫植入廣告:幾乎打起來!

蘋果日報 2017/06/16 11:40

深夜食堂蔡岳勳

40集國產劇集嘅《深夜食堂》周一(12日)喺大陸首播,點知播完之後俾網民喪插,佢哋狂轟成套劇充斥植入式嘅生硬廣告、兼演員演技浮誇眼神空洞,收視梗係唔理想喇,仲搞到跟住播出嗰幾集收視大跌,睇嚟翻身無望!
講到生硬嘅廣告植入,《深夜》嘅導演蔡岳勳接受大陸傳媒訪問,佢直言曾經為咗呢件事嬲到掟劇本兼同警告過廣告商!佢話明白廣告植入係希望將產品變成一個角色,再同戲連成一體,當觀眾鍾意呢樣嗰陣,自然會主動去搵相關產品,今次係由三個導演一齊去拍,變咗好多嘢都控制唔到,就佢自己唔拍,其他導演都會拍,佢試過喺剪片嘅時候,將啲植入廣告刪剪,點知啲廣告商拎住份合約同佢交涉!
蔡岳勳仲話:「我到最後快要交片的時候就快要翻臉了,因為要把所有拍好的片子都剪給廠商看,他們過了才算交差。但是最後他們一直來要描述要特寫,我說我不幹了,你把合約退給他們。因為植入的事情吵得很凶,我幾乎都快跟他們打起來了,我警告過他們,如果他們這樣做,觀眾會反感,對他們的商品一點好處都沒有,但他們還是不聽,依然堅持。」
結果一如蔡岳勳所講,觀眾對呢個做法好反感,甚至懷疑劇組係為咗廣告商品而刻意用劇情遷就,不過蔡嶽勳否認,佢話先有內容再搵廠商,佢仲話呢件事對佢影響好大,去到拍攝後期做咗一個決定:「以後拍片會在合約裡加一個條款,要求植入的選擇權在自己手上,否則就不會合作!」
empty
導演蔡岳勳亦曾經講過假如廣告植入太過火會有反效果!(微博圖片)
empty
徐嬌亦有份參與演出!(微博圖片)
empty
恬妞 (微博圖片)
empty
唔知黃磊有冇辦法化解呢個問題呢?(微博圖片)