「薯片叔叔」、前財爺曾俊華雖然係鍾意飲咖啡睇法國電視嘅「中產」，但都同唔少普羅市民一樣要坐的士，仲要上咗架宣傳自由黨榮譽主席田北俊成立嘅「希望聯盟」的士，相信都好啱佢心意。據薯片叔喺Facebook專頁貼出嘅新片 ，佢喺車程中舌戰「的士佬」，兩人對答之餘不忘抽水。當年薯片叔喺特首選舉論壇「神預言」，直指特首林鄭月娥當選會造成香港「撕裂2.0」，佢依家就話「特首真係衰工」，揚言唔會再選，「寧願喺屋企慢慢數一萬蚊好過。」

薯片叔曾俊華一開頭就同「的士佬」講，要同老友田少去支持港產片，兩個叔叔去睇《叔·叔》。由於卸任後仍然喺唔少廣告同節目出現，薯片叔被問到係咪學李梓敬做KOL嘅時候就笑稱，會入紙去演藝人協會，睇吓協會會長古天樂侵唔侵佢玩。

對於再選特首，佢就堅決say no，慨嘆政府洗錢「大花筒」，到下屆都唔知仲有幾多剩，「寧願喺屋企慢慢數一萬蚊好過。」佢又話「特首真係份衰工，好難做得好」，如果多啲人肯站喺港人角度出發、敢於say no嘅話，就唔會令到香港再度撕裂，強調自己唔想移民同攬炒，相信維持依家嘅制度，香港就會有希望。

故事揭盅，的士佬原來係佢前政助羅永聰，薯片叔表明「唔可以一係跪低一係反對」就保護到香港，明顯都係力撐走中間路線田少創立嘅「希望聯盟」，會為香港帶嚟希望。

-----------------------------
反送中一周年，《蘋果》整理大量涉及警察濫暴濫權等資料，製成詳盡資料庫，請按此閱讀圖表版本 ／純文字版本
-----------------------------
打國際線 《蘋果》英文版免費試睇 按此了解更多
英文版已登錄新版《蘋果》App按此下載/更新
-----------------------------
App內1-Click訂閱《蘋果動新聞》
按此了解更多