大家以後去旺角女人街，唔使旨意買到名牌A貨！唔係華華收到咩風，而係美國貿易代表處日前將女人街從「惡名市場」（Notoriousmarket）中除名。
「惡名市場」係一份指摘侵權或冒牌貨嘅名單，由於女人街早前有海關官員到場清理A貨，所以「惡名市場」將佢除名。

今次被剔出「惡名市場」嘅，仲有大陸百度同莫斯科Savelovskiymarket，其中百度被「除名」係因為佢哋7月同環球唱片、華納唱片、Sony達成支付版稅協議。至於阿里巴巴（1688）姊妹公司淘寶網、北京秀水街等就仍然喺「惡名市場」之列。
3月嗰陣美國貿易代表處公佈一份名為全球「惡名市場」名單，列出30個涉嫌侵犯知識產權網站同實體市場，除咗女人街榜上有名，內地8個網站、零售市場被點名，係上榜項目最多嘅國家。
究竟「惡名市場」名單可信程度有幾高？好多人專登搵A貨，都係想以有限金錢滿足虛榮心，如果被剔出「惡名市場」名單俾人認定冇A貨賣，相信好多市場寧願長留名單中。

李華華
mailto:[email protected]