當年今日
關於我們

【短片】【狗仔出更】吳佩慈挺大肚 帶可愛囡囡逛IFC

蘋果日報 2015/11/12 06:00

蘋果香港ifc即時吳佩慈巨肚狗仔出更小蕊蕊

有「九頭身」比例嘅台灣女星吳佩慈,自從同未婚夫富商紀曉波生咗囡囡「小蕊蕊」後,吳佩慈再想追多個仔縛實對方。而吳佩慈目前已陀緊第二胎,都有8個月左右,佢現時住喺香港,平時都係湊女行街shopping。

今日下午五點,吳佩慈戴住黑超,腳踏平底鞋及披上外套,與一名外籍女人,兩名相信係保母,加埋B女「小蕊蕊」,一行五人現身中環IFC,B女由保母照顧,吳佩慈就不停玩手機,佢哋喺IFC兜圈,之後去咗Starbuck買咖啡,不過吳佩慈冇飲。

其間吳佩慈繼續翹腳玩手機,小蕊蕊就由保母輪住抱,囡囡又幾得意,吳佩慈攞住裝咗冰嘅杯畀個囡囡玩,佢一時睇下手機,一時又摸下囡囡,佢哋留咗十分鐘,就繼續行街街,然後再行到連卡佛睇嘢,最後返上酒店。

另外,吳佩慈老公紀曉波於IFC被貼街招追數,不過今日該追數招紙已被撕去。