當年今日
關於我們

【躲垃圾桶係辱警】劉江華被譏多年 曾志豪:而家垃圾桶冇咗啦!

蘋果日報 2020/05/21 00:00

劉江華垃圾桶頭條新聞曾志豪

王喜及曾志豪今日上商台節目《在晴朗的一天出發》,被問及近日《頭條新聞》在本季播放後,將暫停製作,而王喜「驚方訊息」環節即時被腰斬。曾志豪認為這只是「第一步」,王喜在節目中亦問到誰人可以污衊、侮辱警隊,陳志雲引用孟子名句:「人必自侮,然後人侮之。」被問有否覺得連累《頭條新聞》及港台,曾志豪坦言:「佢(王喜)邊度有得做最後一根稻草,佢係第一根,只係比較『大根』,我相信陸續有嚟,今次只係王喜,令對方覺得今次出界,其實下次可以係第二個,冇話連唔連累,見有啲投訴係話吳志森扮女人樣衰,我反而覺得呢個係一個幾陰濕嘅做法,坊間有啲人話隔開王喜就冇事,你點知下一個要你隔開邊個,一陣又話啲歌樣衰,你隔吓隔吓碟餸就冇嘢食。」
曾志豪指「警察」本來就是一份職業,但他們忽然變成特定社會群體要受到保護,陳志雲批評這一點最離譜,曾志豪補充道:「即係警察係一種職業,本來係話種族、膚色、年齡、傷殘就是歧視,大佬呀佢副裝甲厚成咁;同埋係要證明,好似一個盲人拎住扶手杖,佢要你證明自己係盲要做到咁;如果成立呢個講法,某啲職業係屬於社會特定群體唔可以被諷刺,好似我哋以前好經典係話人大政協係政治花瓶,咁就做唔到喇!」王喜又稱如果做法是可以命名去保護「特定群體」,繼續延伸落去,隨時將 香港 撕裂得很零碎。
王喜亦笑稱能具備成為「被保護的社會群體」也有很高的條件:「其實好得意,佢哋有職責同義務去保護其他人,但係佢哋首先要被保護,一班要特別保護嘅人,然後佢哋先有能力同心情去保護其他人噃,好怪呀個畫面。」
談到王喜在「驚方訊息」以「忠_勇毅」身份做主持,更躲在垃圾桶,通訊局涉越權裁定節目「辱警」,批評該環節暗示警察為廢物。主持人陳聰問是否只嘲諷警隊就有問題,再問《頭條新聞》之前有沒有嘲諷劉江華是「垃圾桶」,曾志豪認真說:「有都在所難免!」陳聰認為這個例子很貼近,好奇為何說了這麼久也沒事,曾志豪續道:「有事!而家個垃圾桶冇咗啦!我講緊街邊嗰個呀。」陳聰反問為何警隊被嘲諷就有這樣的結果,而劉江華被社會嘲諷為「垃圾桶」,但沒有人為他發聲、沒有投訴及處理。
陳志雲回想在TVB工作時,真的有人投訴別人「樣衰」,覺得黃夏蕙樣衰嚇親她的BB,他續道:「呢個係冇犯例,如果你話有某藝人出現令人恐慌就是犯例,你要搵到呢一條法例,一個節目點可以用呢啲去衡量。」講到「忠_勇毅」所言並非事實,曾志豪望向王喜笑說:「人哋係要你反過嚟證明你講嘅係事實」王喜哈哈大笑:「原來舉證責任喺個被告身上。」
陳志雲提議大家重溫TVB劇集中警察角色都有可能係負面,他說:「會唔會做成污衊,引起觀眾……劇集更加深入民心。」講到投訴王喜從垃圾桶跳出來,通訊處覺得是惡意描繪,暗示警務人員均被視為廢物之嫌,持續宣揚侮辱同偏見,陳志雲好奇地說:「或者通訊事務局嘅人有冇出去,唔好咁離地,我唔知而家嘅人係唔係咁,我講以往佢哋處理投訴嘅人,佢哋大多數唔睇電視,真係只睇人哋投訴嗰樣嘢,睇你被投訴嗰一段,會唔會出去問吓而家警隊喺觀眾心見中嘅形象係點,如果而家係反映出觀眾對警隊的印象同感覺,咁樣有咩問題呢?
問及商務及經濟發展局局長邱騰華講任何廣播機構不能散播仇恨言論,如中央台主持罵美國務卿蓬佩奧是「人類公敵」,當年肥彭被指「千古罪人」這些是否散播仇恨言論,曾志豪說:「根據佢哋把尺以後廣播機構唔報道呢啲,咁佢鬧蓬佩奧,你哋又有冇畀蓬佩奧一個公平嘅機會去回應,呢條bite唔出得街,咁樣定義係後患無窮。」談及邱騰華覺得港台道歉是應該的,王喜笑言:「呢個係佢個人意見節目嚟。」曾志豪續道:「邱騰華覺得『佢覺得就係』,我諗 香港人 喺過去呢9個月,香 港人 想聽人道歉想聽好耐㗎喇!」王喜叫大家數數手指,誰人做得衰嘢多更應該道歉。