女子組合2R昨日出席在將軍澳舉行的「熊衣美女聖誕大派對」，她們以一身白衣示人，全身掛滿ForeverFriends熊仔，與現場多位以熊仔打扮的小朋友一起製作薑餅人曲奇，家姐Rosanne昨日戴上一個長假髮，她說：「呢個假髮係公司送畀我，係真髮嚟嘅，呢個冬天我多數都會戴呢個假髮，因為我𠵱家頭髮咁短，冬天真係好凍。」

Rosanne收睡衣禮物

2R表示今個聖誕將會在工作中度過，妹妹Race說：「我已經收到第一份聖誕禮物，就係家姐送嘅，不過未拆，唔知係乜，我就送咗套睡衣畀家姐。」
問到有沒有收到男仔送的聖誕禮物？她們都同聲表示未曾收到，對於徐子淇嫁給李家誠的世紀式童話，2R坦言非常羨慕，並祝福他們，Race說：「真係好難得，嫁到個好丈夫，又有背景嘅，香港暫時得一個。」記者取笑阿Race也有一個富商男友，Rosanne即時替妹妹搶答說：「如果係真就好啦。」Race在旁附和：「係喇，子淇可以坐私人飛機環遊世界真係恨死人呀。」
採訪、攝影：胡比