俾DavidWebb狂轟賬目有問題而停牌嘅聯洲國際（048），公司主席史壁加發通告話病，唔得閒出嚟解釋問題。
主席開埋聲玩失蹤，難怪tfanman好奇怪：「史主席話要隔離醫病，如果係我，見公司股價咁跌法，唔見幾十億，真係死都彈番生，返嚟香港搵DavidWebb澄清，還我清白。家吓佢冇咁做，話醫病喎！可大可小，分分鐘冇三五七年都見唔到佢！當班股東係乜先。」
見個勢唔對路，散戶自然大難臨頭各自飛，必升古仔話：「個股價走勢咁差，冇計㗎啦，走得快好世界呀！」amoshohoho好同意：「要唔問價沽貨㖭噃！」