【女神咁嘅樣?】12位佳麗選「東方女神」 露毛露胸墊各出奇招
露毛王錦睿東方女神大賽
前亞姐王錦睿搞嘅「東方女神大賽」,已經選出12位候選佳麗,今日佢哋就以三點式見傳媒,佳麗中有兩位香港代表,其他嘅都係嚟自大陸,喺影相時各佳麗施展渾身解數,不過香港代表1號陳麗而同嚟自上海9號嘅吳丹不慎露毛,着住高衩泳裝嘅吳丹擺出各姿勢大騷「股惑」;7號樂吉兒同8張利銥失手露胸墊;4號何沅潼舉手時腋下「烏卒卒」。
12位佳麗中,最有睇頭嘅相信係嚟自黑龍江、23歲6號「高佻劉亦菲」孟慶玉,佢樣子清純有小爆牙,身高177cm,唔知係咪因為腰圍有29吋粗,佢企出嚟擺甫士時,頻頻用手遮肚,表現唔太自然,佢笑認腰粗要努力減肥,佢話:「早晚要做健身,也要控制飲食。」剛畢業於北京電影學院嘅佢,係章子怡、趙薇同劉亦菲嘅小師妹,佢話:「不敢當!我不及劉亦菲漂亮,我目前最喜歡陳坤,希望可以合作。」
嚟自上海嘅5號徐攀報稱係「退休軍人雜技演員」,佢拿手嘅表演係可以用鼻頂21個玻璃酒杯,同時仲可以扭呼拉圈、彈結他同唱歌,佢就話希望呢個才藝表演能夠搶分,佢話:「這都是要經過長時間訓練的,我6歲學體操、7歲學雜技,08年曾到美國表演,有我這樣的身高在全國雜技團中是少有的,希望展現自己的才能。」而曾經參加世界小姐上海賽區的她10強止步,她希望今次選美有好成績。
另外,香港代表1號陳麗而,喺16年曾經參加過港姐,但因模特兒合約問題而自動退選,有學歷嘅佢係港大社會科學學士畢業,依家任職空姐,佢坦承的骰身形,相比內地佳麗輸蝕,但希望靠內在美同才藝搶分,佢仲自爆自己係鋼琴演奏級,最拿手跳鋼管舞。
精選娛聞,喺晒《娛果》
http://fb.com/appledailyent
來自黑龍江、今年23歲嘅6號孟慶玉,樣子清純有小爆牙。
來自上海9號嘅吳丹,着高衩泳裝時大騷「股惑」,卻不慎露毛。
香港代表嘅1號陳麗而,雙手掛住遮肚,卻唔小心露毛。
《東方女神大賽》12位參選佳麗(左起1至12號)。