名模趙嘉懿(Carrie)昨日帶了一班小模特兒學生在圓方商場出席活動。Carrie數年前與排舞師Gerald結婚,現育有三歲兒子黃弘智,今年8月升讀K1幼稚園,她說:「已準備咗跳舞、唱歌、畫畫同英文課程畀囝囝上暑期班,如果有時間仲想一家人去台灣旅行。」
Carrie表示兒子很有表演慾,愛唱歌講說話,數月前才與張栢芝拍了一個內地奶粉廣告,早前亦為一個品牌行catwalk:「佢聽到現場觀眾拍手掌,仲以為啲掌聲係畀佢一個,好唔知醜,不過佢就遺傳咗父母嘅表演細胞。」Carrie坦言希望再生多一個孩子:「好想生多個,我好鍾意小朋友,又鍾意教小朋友。」
採訪、攝影:魯萍