法國殿堂品牌Chanel舉行高級珠寶巡迴展，首站在台灣舉行，之後巡迴到香港，昨日在中環文華東方舉行預展。今次以Mademoiselle'sStory做主題的珠寶展，Chanel總部特別參照品牌創辦人CocoChanel於巴黎RueCambon故居的擺設，打造了烏木漆屏風、斜紋軟呢沙發、梳妝枱和鳥籠等家具，再由巴黎空運到各站作場景，重塑CocoChanel故居的美麗氣氛。

本地名模姚書軼（Mikki）、翻版關之琳Jocelyn和陳嘉容等，昨日在香奈兒的夢幻場景中，展示價值千萬元、以山茶花和星星為靈感的優美珠寶，訴說CocoChanel的動人故事與美妙設計。
Mikki示範的SanMarco彩寶鑽石系列，正是CocoChanel當年與男友去旅行後，得到靈感創作，Mikki說：「CocoChanel係我心目中嘅真正傳奇，佢屋企有好多靈感同創作元素，我去過巴黎好多次，但都係shopping為主，人大咗，我渴望有機會去佢故居，感受一下。」

提到Jocelyn男友Anthony曾為慈善拍全裸照片，Mikki說：「使唔使咁激？全裸喎，我最激都係半裸，當年自己仲係少女身形，𠵱家年紀大咗、豐滿咗，就唔係咁好，做善事寧願捐錢。」
採訪：RitaLeung　攝影：RickyIp