當年今日
關於我們

【約旦直擊】嶺大經濟系畢業 受星如啟發打拳 陳嘉華望以港隊資格答謝父母

蘋果日報 2020/03/05 17:50

曹星如拳擊陳嘉華約旦直擊OLYMPICS奧運拳擊亞大區資格賽

如果曹星如的拳擊故事是頹廢青年發憤記,其隊友陳嘉華的故事便是大學生學拳記,老派父親總求穩定工作和生活,做兒子的卻尋求拳擊的痛快,他大學經濟系畢業後投身拳擊作教練,邊練拳邊訓練。約旦奧運資格賽之路已告一段落,26歲的陳嘉華即將返港,他望以彌足珍貴的港隊資格答謝父母親體諒。
香港拳擊壇絕不只曹星如一人,但曹星如的故事,的確成後來者的楷模,陳嘉華讀大學早年本習空手道,看見曹星如發光發亮,他才知原來香港也有西洋拳擊運動員。年近24歲他才初學西洋拳,獨愛拳擊不成功隨時成仁的痛快,「打拳上到台係有後果,其他運動最多心情低落,但拳擊輸咗係畀人打咗一餐,爆咀爆眼,精神上負面,身體都有傷害。」嶺南大學經濟系畢業後,他繼續留於拳館工作,父親卻不太滿意其決定,「我媽咪支持嘅,但爸爸就叫我不如考紀律部隊啦,讀咗咁多年書,唔好流咁多汗,佢想我做穩定嘅工作。」 去年年底他下定決心要參戰奧運資格賽,為騰出時間訓練,他轉任兼職教練,收入少了一大截,「我收入少咗,好多謝屋企人體諒,同埋好彩儲咗一筆錢都夠頂,屋企都支持我,無話叫我畀家用。」比賽遠在約旦,安曼與香港時差六小時,即使網上有賽事直播,他坦言不知父母有否觀看他比賽,「家姐就有睇live嘅,父母就唔知喇。」他想起臨行前母親為他執拾行李,當時母親細語一聲一路順風,那父親呢?「佢同我一樣比較內歛,不過大部份家庭都係咁,佢都係話『係咪去比賽呀?』」雖沒有呵護備至的體貼入微,但在他心中,父母點到即止的一言關心,早已勝過千夫不絕的加油聲。
記者:洪量丰
攝影:王子俊
-------------------
《果GYM》隨身播  健身壹App過!
NIKE特選課堂 2-4月期間限定
一按即玩
--------------------
【匿名港警爆大鑊】
韓國KBS時事節目《時事直擊:香港 被自殺》
一按即睇
--------------------
【撐學生】召集有心人 撐學生全年睇《蘋果》
立即按此
--------------------
《體蘋果》陪你睇波講波
https://www.fb.com/appledailysports
empty
26歲的陳嘉華(左)約旦奧運資格賽之路已告一段落即將返港(王子俊攝)
empty
陳嘉華大學經濟系畢業後投身拳擊作教練,邊練拳邊訓練,父親卻不太滿意其決定。
empty
去年年底陳嘉華下定決心要參戰奧運資格賽,為騰出時間訓練,他轉任兼職教練,收入少了一大截。
empty
陳嘉華大學畢業時與家人合照。(受訪者提供圖片)