韓國女星孫藝珍夥拍男星丁海寅主演嘅熱播韓劇《經常請吃飯的漂亮姐姐》（漂亮姐姐）於上月大結局，孫藝珍拍完劇即爭取休息時間，繼上月尾隨劇組到日本旅行慶功外，孫藝珍早前就飛到法國為雜誌影新相，之後佢就留喺當地展開歐洲之旅，而丁海寅噚日就來香港，準備今晚香港首個粉絲見面會。

而今日粉絲就認真有福，孫藝珍喺Instagram上載多張靚相，當中佢更出海睇鯨魚，又大方晒泳衣照，網民都大讚佢好靚，身材好又性感，不過就問「漂亮姐姐」點解唔着三點式。事關前年孫藝珍曾經喺Ig大晒佢三點式泳照，大方騷豐滿上圍，但今次孫藝珍就好密實，只着一件頭泳裝，搞到上圍即時顯得平平無奇。

更多韓流，喺晒《娛果》
http://fb.com/appledailyent