美國編劇工會獎今日喺紐約舉行頒獎禮，表揚電影及電視劇嘅編劇，而電影組別嘅得獎者宥好大機會獲得下周一舉行嘅奧斯卡最佳原創劇本及最佳改編劇本榮譽。結果《月亮喜歡藍》（Moonlight）撼贏《星聲夢裡人》（La La Land）獲編劇工會頒發最佳原創劇本。

不過喺奧斯卡提名方面，由於《月亮喜歡藍》改編自舞台劇《In Moonlight Black Boys Look Blue》，所以係電影獲得最佳改編劇本提名。而獲奧斯卡最佳改編劇本提名嘅《天煞異降》（Arrival）則獲編劇工會頒最佳改編劇本獎，到時喺奧斯卡《月亮喜歡藍》就同《天煞異降》爭獎。因此雖然《星聲夢裡人》喺編劇工會失利，但係於奧斯卡仍然有機會。