啱啱成為人妻嘅王君馨(Grace)，上周同老公Daniel喺美國正式行禮結婚，由Daddy拖住手進入教堂，場面感人。

Grace到o依家都未返香港，繼續同老公去度蜜月happy。不過噚日父親節，Grace都不忘喺微博多謝爸爸，留言﹕「雖然我爸爸不懂得好似其他爸爸咁識得氹個囡，錫個囡，同個囡傾心事。反而我老竇，同我只係傾生意，人生理論，應做同不應做的事。但係唔知點解，周邊啲人話我哋好似樣，動態似到十足。點都好啦，要好好珍惜。」

Grace貼咗一家三口相，望真啲，Grace嘅媽咪眼大大、面圓圓，好似同Grace似餅印多啲。

另外，君馨嘅好姊妹鍾嘉欣亦貼出童年時候與爸爸嘅合照，留言﹕「祝大家最好的爸爸： 父親節快樂！爸爸： I promise to be your Happy girl no matter what circumstances。永遠的愛你，我爸爸在我心目中是最帥的爸爸。」