【今日體片】英冠韋甘比門將熱身賽出醜 保羅羅賓遜漏踢經典重現
啱啱嘅球季完咗冇耐，話咁快九月又係時間開季啦。無計啦，武漢肺炎疫情之下，呢個暑假都要縮水，唔少球隊都喺呢排安排季前熱身賽，操fit返啲狀態。周一英冠升班馬韋甘比，即係擁有球壇「最強壯球員」艾堅芬華嗰隊，就喺熱身賽中1:5輸畀英超嘅韋斯咸。輸都唔緊要，大家實力真係有啲差距嘛，但其中一球就好肉酸啦。
門將David Stockdale喺28分鐘面對隊友軟弱無力嘅回傳，竟然可以漏踢，就咁輸咗球烏龍球，重現當年保羅羅賓遜漏踢經典。呢位門將其實今年1月先由伯明翰外借到韋甘比，本身34歲經驗豐富，但就啱啱畀韋甘比正式簽下，而呢球烏龍波，唔知有冇動搖佢喺球隊嘅位置啦。
-----------------------------
-----------------------------
《本土情味》結集《飲食男女》雜誌經典欄目「老字號」文章，記錄香港40家飲食老店的動人故事，見證香港飲食史的甜酸苦辣。即日起，於各大便利店及書報攤有售，並於
《蘋果日報》你的優惠 網上獨家發售！