韓國女團少女時代嘅秀英跟韓劇《Missing9》男星鄭京浩拍拖五年，二人感情一直穩定，4月時更被影到二人於街頭約會，當時鄭京浩更拖實女友過馬路，非常貼心。

而秀英近日孖溫朱莞拍攝MBC新劇《做飯的男人》，秀英跟溫朱莞有唔少親密戲，當中更有「床戲」。日前秀英及溫朱莞演出節目時，秀英提到跟溫朱莞有默契，記者就問：「嗰位（鄭京浩）應該會好嫉妒吧？」秀英即表示：「因為佢自己都有好多（親密戲）。」未知秀英係唔係一直數住男友跟其他女星拍過幾多親密戲呢？