今日大陸節目《極限挑戰》就嚟到香港取景(新聞連結： http://bit.ly/2shyLqd )，有份參與除咗黃宗澤（Bosco）同台灣藝人「小豬」羅志祥之外，就連喺大陸好紅嘅黃磊都有份玩埋一份!

黃磊今日喺廟街一間舊式嘅金舖附近玩遊戲，全程拎住電話同人視像會議之餘，仲拎晒篋、揸晒旗仔玩得非常落力，之後仲用盡全力狂跑，連記者都追唔切。

現年45歲嘅黃磊喺大陸係著名電影、電視、話劇三棲演員，第一齣戲就已經係陳凱歌做導演嘅《邊走邊唱》，仲入圍埋康城影展，之前仲帶埋可愛囡囡參加大陸親子節目。