前排先講到，無綫收視有個慣性缺口，就係星期六下午六點呢個時段，亞視嘅《六點鐘新聞》，之前同無綫「六四開」！係亞視六無綫四！一個星期入面，只有呢個時段亞視係贏嘅！

不過上星期無綫改播陳文媛(BoBo)同馬德鐘胡杏兒主演嘅《情迷黑森林》，就拉成五五波，平分秋色!之但係，上個星期六，亞視又再超前，有六點收視，但《情迷黑森林》仍然維持五點，輸個馬鼻!但平日一至五嘅《情迷黑森林》，又會高亞視兩點，認真奇怪!睇嚟亞視周六下午六點時段，應該儲咗一批忠實fans!

而上星期《仁心解碼II》大結局，平均都係得29點，周五正式大結局都係只得最高31點收收視。而口碑幾乎一致劣評嘅《神探高倫布》，就係26點冇升冇跌。