女子組合MiniCookies、二人男子組合Shine的徐天佑、E-Kids、張敬軒和葉文輝前晚到九龍塘大學會堂出席「校花校草選舉」,MiniCookies成員Miki演出後離開,其緋聞男友徐天佑才到場,二人似避免同場出現。
「解釋等於掩飾」
天佑與Miki的戀情疑幻似真,早前天佑曾表示適當時候便會公開戀情,前日Miki得悉後有點不耐煩說:「我哋係好好朋友,我唔講緋聞,其實我哋唔係咁親密啫,我唔解釋喇,解釋等於掩飾,都講咗六個月,講咗好耐喇。」
MiniCookies的Theresa及Kary在旁幫口說:「我哋都想要緋聞呀,唔好淨係講佢啦,我哋都想要呀。」而另一成員Stephy因拍戲前晚缺席活動。
E-Kids的Tommy表示他與天佑十分老友,但每次他們出街都沒有女伴,Tommy笑說:「佢同人哋去街就有女仔嘅,我通常同佢去打桌球同去通利,次次都冇女仔喎,佢去游水又唔預我。」
當天佑接受訪問時,對早前與Miki結伴在大浪灣游水一事說:「游水係一大班朋友去,我都唔識游水,不過咁先夠刺激。」
「人工呼吸咁激」
被問到是否欲借遇溺,讓Miki為他做人工呼吸?天佑笑說:「玩到人工呼吸,咁激呀?我真係唔係想拍拖呀,𠵱家工作為先。」
天佑續說:「我真係未遇到嘛,Miki係好女仔,男同女唔係只可以拍拖嘅。佢好慘㗎,你哋唔好成日啄住佢啦,我男人老狗就話冇所謂啫。」
採訪:馮美茵 攝影:陳志嵐