李居明邀請張之珏導演執導舞台劇《玻璃動物園》、《莫札特》、《莫札特》，又邀請咗王祖藍同謝君豪演出，分別會喺2019至2020年公演，眾人今日喺銅鑼灣出席記者會。李居明趁機贈言王祖藍，李居明話：「祖藍夫婦屬水太多，返大陸發展都係屬水，二人夜晚行房只係個人喜好，預計佢哋二人於明年立春之後會有喜，而且係男丁，建議二人於凌晨三至五時行房，或者中午十二時，要見到陽光，便能一擊即中，可以生到非常可愛嘅BB。」李居明又建議祖藍同亞男養貓，促進佢哋成功生B。

祖藍笑言今日係性教育課，佢話：「我同老婆都怕貓，所以應該唔會養，至於生仔就順其自然，自己想二人世界多一年，o依家都會有計劃生小朋友，應該係出年，至於係唔係一擊即中，都順其自然，估唔到咁多人關心我嘅房事，現在工作實在很忙，亞男要忙出書、準備節目，我亦都要準備自己嘅公司。」至於現在係唔係不設房，佢有啲尷尬咁講：「差唔多啦！」

對於2019年演出舞台劇飾演莫札特，王祖藍表示今次喺舞台劇可能需要學彈琴，而自己對彈琴一竅不通，相信要花時間練習，同時希望到時會有喜訊。謝君豪表示《莫札特》呢個劇目係佢喺演藝學院考試時演過，自己一直想演呢齣劇，君豪話：「呢齣係經典作，演員於電影版本亦曾獲奧斯卡，角色很有發揮。」

更多娛聞，喺晒《娛果》
http://fb.com/appledailyent