有讀者於優之良品買下兩磅獨立包裝的磯燒鴨腎，正想食用時，發現其中兩包未開封鴨腎，袋內並無固體鴨腎，只有醬汁。優之良品表示，該公司第一次收到這類投訴，並感到震驚，調查後發現醬汁屬烹調湯汁及部份已溶解的鴨腎組織，是可供食用。

「我不嬲都有買開優良品嘅鴨腎食，一直都冇事，但嗰日我臨食前用手一摸，發現淋淋哋只得醬汁，摸極都摸唔到有鴨腎，覺得好唔妥，都唔知裏面嗰啲汁係乜嚟，會唔會影響健康？就算啲汁食得，佢哋嘅品質保證都已經令到我好失望喇！」
《蘋果》讀者李小姐早前在元朗青山公路優之良品，以120元買下兩磅獨立包裝的「磯燒鴨腎」。日前食用時，她突然發現手上未開封的鴨腎內沒有鴨腎，以手按揑良久，覺包裝內只有醬汁。
她稱，「我食呢隻鴨腎都食咗好耐，因為佢買一磅送一磅，我次次都一買買兩磅，但從來未試過包裝裏面冇鴨腎，得醬汁咁誇張！」

「得醬汁咁誇張」
記者查證李小姐手上兩包未開封獨立包裝鴨腎，用手按揑，感到包裝內只有醬汁，沒有固體鴨腎。
記者將其中一包鴨腎拆開，倒出的只有醬汁，氣味正常，包裝內確沒有鴨腎。記者隨後將另一包未拆封磯燒鴨腎轉交優良品調查。
優之良品客戶服務部李小姐回覆本報查詢時表示，該公司第一次收到這類投訴，並感到震驚。