唐文龍今日到新城接受訪問，順道和主持之一、今天45歲生日的葉文輝祝生日，唐文龍透露早前為節目錄製一個以環保為主題的短劇，他說：「希望可以引起大眾嘅環保意識，其實近年市民普遍嘅環保意識亦都加強咗，但始終都未夠。」

唐文龍又稱以往都有自發去參與環保活動包括執垃圾，他說：「以前啲朋友都會笑我儍仔，但近年大家環保意識加強，都明白呢樣嘢係我哋必須要做，必須要去補救同保護地球。」講到工作，唐文龍稱原本要返大陸拍電影，可惜批文未出，故此決定下星期索性回美國探望爸爸媽媽。

此外，林穎彤（Bella）今日到新城繼續宣傳新歌《忽然又想起你》，她表示近日雖經常穿梭電台宣傳，但感覺依然有點尷尬：「每次人哋都要介紹我係2019樂壇新人，聽到有啲唔好意思，其實我已經簽咗星夢好耐。」Bella表示新歌以簡單曲風為主，用初戀為題，但就不是自己故事，又稱朋友都自動自覺在網上付費下載支持。

Bella透露新歌反應不錯，老闆何哲圖已表示會製作下一首新歌，她說：「嚟緊我要同Ben Sir去日本拍節目，返嚟就會同老闆開會傾，希望新歌會加啲自己嘅故事落去。」

------------------------------
新聞有價 你肯為《蘋果動新聞》付幾多錢?
https://hk.adai.ly/QDTT6y5mgX
--------------------------------
【記住63836568】全民爆相爆片！下一個爆料王就係你
https://bit.ly/2Guolu9