自10月份,本地錄得有紀錄汽車代理商嘅1,665部新車銷量後,11月份全港汽車銷售卻有放緩迹象,全月只錄得1,392部嘅紀錄,當中跌幅最明顯係日本同韓國車,合共售出773部,較10月嘅1,035部下調達262部;有此成績出現,相信與10月有多款新車大手交收後,致令11月呈現不繼現象有關。
惟11月內日本汽車銷量至高仍然係豐田及凌志品牌,其中又以後者嘅ES300(見圖)最突出,合共賣出83部;至於近期車氣急升嘅七人MPV——Picnic,亦有77部紀錄,而較大型嘅Previa則錄得有38部嘅銷量。然而,響小車界業績續領風騷嘅會係本田Jazz,11月合共售出70部車,而累積11個月嘅銷量則多達640部,可謂係同級之冠。