文佩玲和林超榮今日到深水埗宣傳廚神精選拔賽，活動稍後會到北京進行，林超榮穿上廚神服裝擔任司儀，他笑言：「我靠把口搵食，所以周圍搵嘢食。」文佩玲今次則任委員之一，幸好不用下廚，偶爾會試參賽者菜式，試試新口味可以大飽口福。

文佩玲稍後會和9位新秀好友包括黎明詩、黃寶欣、黃翊、陸家俊等舉行演唱會，雖然歌單已出，但細節會再安排，9人瓜分一個騷，會否唔夠喉？文佩玲說：「唔會，我哋安排好豐富。」至於會否效法黃翊自資出唱片？她說：「睇下演唱會反應啦，可能到時反應好，自己再出都未定，始終唱歌都係我哋好鍾意，今次難得集合咁多人，做完今次可能要60歲先再做，到時要拎住枴杖上台。」屆時可以由下一代接力同台演出？文佩玲透露女兒雖然有興趣唱歌，但暫無意公開演出，或許有心理壓力。

-----------------------------
7月4日起 《蘋果動新聞》只限升級壹會員閱覽
繼續撐蘋果！