韓國天團BIGBANG嘅T.O.P日前被網民指因為成日Like美籍華裔名媛Asia Chow喺Instagram上載嘅相片，就估計佢哋感情唔止友情咁簡單，不過T.O.P所屬嘅YG事務所就冇回應事件，所以大家都唔知T.O.P嘅感情狀況。

不過T.O.P就算幾忙都好，佢人生最重要嘅女人生日佢都唔會唔記得，噚日佢就上載咗一張母親後生時嘅照片，並留言祝母親生日快樂，雖然T.O.P母親照片只得側面，但從中已看到佢媽咪係美人胚子一名，唔怪得生到T.O.P咁靚仔啦。

另外，T.O.P除咗上載松露照片，被指睇起嚟似足一堆「大便」外，佢仲公開一張喺廁所內嘅照片，又標籤「便便」，即時引起網民議論紛紛，不過有粉絲就認為佢可能係預告新歌MV，又有人認為T.O.P一向愛於Ig公開奇怪相，佢哋已經好習慣，而T.O.P已經好快刪除該廁所照。