Amanda S.擁有豐富烹製甜品經驗，更曾經擁有自家蛋糕店，佢星期二晚就聯同謝霆鋒去咗澳門為米芝蓮晚宴炮製甜品，擔當「副廚」角色，對於霆鋒當晚為甜品唧朱古力嘅功架，喺社交平台上面洗版，今日黃秋生亦拍片疑似影射霆鋒嘅功架，之後霆鋒就喺fb留言話：「如果咁都唔明，我就無計了。」( 新聞連結： http://bit.ly/2j6Zwss )

今日《蘋果》就問咗有份幫霆鋒做副手嘅Amanda S.，佢以whatsApp回覆透露同霆鋒成個團體，由星期一到四已留了4日在澳門準備，大讚霆鋒認真：「成個過程有少少唔完美，我哋會重新做過，對佢要求好高好深刻，凡事都想做好件事多一點。」Amanda認為霆鋒廚藝好好，有留意開佢嘅烹飪節目，同今年都有上過呢個節目交流廚藝。

對於網友對霆鋒喺台上chok住表演整朱古力甜品瘋傳，更有唔少負評，Amanda就笑言覺得佢嘅「Kung Fu style」好型：「網友評論係唔公平，佢真係好用心同努力，我哋喺台上表演環節只係得8分鐘，時間相當唔夠，Kung fu朱古力呢個環節只係為甜品碟作裝飾，之後我哋會放上甜點，我覺得網民應該要欣賞佢付出努力，佢真係付出好多同好認真。」

更多娛聞，喺晒《娛果》
http://fb.com/appledailyent