行政長官選舉，李嘉誠家三父子當中，只有身兼全國政協的大仔李澤鉅(Victor)隨全國政協選委提名林鄭月娥，誠哥亦明言不想得罰任何人而不作提名，唯獨「小小超」李澤楷(Richard)一直未有表態。

Richard旗下的香港電訊（6823）csl.今日推出新服務，講到明要革新，，打破漫遊常規，推出「ABC」漫遊服務。需知近年「ABC」三個字相當敏感，政圈中人就於選舉中以「ABC」代表「Anyone but CY」的口號，至梁振英不競逐連任，當中的「C」就轉為Carrie Lam 林鄭月娥。

Richard在三人入閘後推出這一個廣告，難免令人遐想。而官方就指「ABC」是指「Always Be Connected」，到底「小小超」係想「We Connect」定「曾Connect」相信仍要留待日後揭曉。但就算Richard同大哥Victor有唔同選擇都唔出奇，因為誠哥早前都講過，兩個人「都過咗50歲，佢有佢自己主意係應該嘅。」