韓國女團Lovelyz今晚喺九展舉辦首個香港粉絲見面會，成員Kei噚日因為有工作在身未能出席記者會，今晚佢終於歸隊，Lovelyz齊人開騷。

晚上7時35分Lovelyz以短裙嘅哂腿造型現身，以《Candy Jelly Love》及《Hi~》打頭陣炒熱氣氛，不過JIN就因為唔舒服而要坐喺度唱歌。

唱完兩首歌之後，成員先用廣東話打招呼：「大家好，我哋係Lovelyz。」表示好開心大家等咗佢哋咁耐，透露JIN因為唔係好舒服，因此要坐喺度演出，又用廣東話問：「你哋會明白嘅？」台下粉絲當然表示明白啦。

Lovelyz表示今次係香港嘅第一個演出，第一次同大家見面，問大家係咪都好開心，又大讚粉絲嘅韓文都好好，之後Lovelyz又用廣東話講「多謝哂」。

提到香港，成員話一定會諗到夜景、蛋撻、夜市、曲奇餅，又話下次想嚟開演唱會。

另外，Lovelyz又特別為港迷準備中文歌《小幸運》，令粉絲非常驚喜，成員更表示啲歌詞好感動，佢哋都差啲唱到眼濕濕。

更多韓流，喺晒《娛果》
http://fb.com/appledailyent