Angelababy今年初為老公黃曉明生咗囝囝「小海綿」，一索得男(新聞連結： http://bit.ly/2p63Coz )，專心坐月三個月，前日已正式復工(新聞連結： http://bit.ly/2oCD4XV )，呢個人母果然事業心夠晒強，早前佢暫時退出大陸綜藝節目《奔跑吧》!

節目趁Baby唔喺度，之前搵咗「而我不知道陳偉霆是誰」呢位Baby舊愛參加錄影，而陳偉霆舊愛阿Sa(蔡卓妍)就同好友Joey(容祖兒)一齊錄影，節目組似乎係見冇Baby在場，就嗱嗱臨搵陳偉霆同阿Sa上去噃!

咁都啱嘅!話咁快Baby就回歸喇!噚日佢現身上海機場，以一身紅黑拼色西裝look示人，收身速度驚人，算係幾窈窕，成程笑笑口，見有機場工作人員上前拎簽名，Baby都停低為對方簽名，據知Baby今次去大連錄第5季《奔》，作為跑男嘅長駐女主持人，Baby一復出已經更趕上去。

之前Baby要生B，節目組搵咗維吾爾族女星迪麗熱巴暫代，已參與錄影兩個月，而本月初有傳Baby歸隊，迪麗熱巴就要閃人，搞到Baby粉絲同迪麗熱巴啲fans隔空開火，後嚟有消息指迪麗熱巴唔使被迫交出主持棒，因為節目組同佢簽訂嘅合約係一整季，所以兩位女主持人係會一齊主持。

而今日有大陸報道影到身在大連嘅Baby見一班跑男，以粉色紗裙look行粉紅色地毯散仙氣，產後Baby仍然玩「少女味」，細心嘅鹿晗為Baby擔遮，見番Baby，一班藝人都好開心，而迪麗熱巴都有一齊參加錄影。