陳慧琳(Kelly)昨晚在澳門百老滙開騷，她表示希望明年在紅館舉行演唱會，今次就作為預演：「明年係入行25周年，希望成功入紙，可以同班fans慶祝吓！」

原來今次在澳門演唱會門票不設公開發售，據知有部份門票被炒至$8000，Kelly說：「我唔支持炒飛，不過聽到好多fans話冇飛賣，希望2020年演唱會開多幾場，個個都從正途買到飛啦！」為令未能入場的fans都可以看到演唱會，Kelly於演唱會期間將部分歌曲在Facebook和微博進行官方直播：「各地唔同fans都想睇，有啲喺澳洲，有啲喺更遠嘅地方，而家科技就最方便㗎啦！」

現場觀眾相當熱情，Kelly走下台握手，又揮手叫觀眾到台前，Kelly笑說：「我都幾想知道我啲fans係斯文定瘋狂，識佢哋咁多年，我唔怕㗎，佢哋唔會好大力咁扯我，我都幾大膽。頭先我戴住隻超級大嘅戒指，佢哋一捏落嚟，嘩！我直頭痛到呀！我想叫佢哋細力啲，但又唱緊歌喎！同埋我發現一路唱歌一路握手，個樣好難好靚，但個個都影緊相，都唔知唱好定笑好，所以下次唱歌握手要揀首開心啲嘅歌。」

除了演唱不少新歌外，Kelly也特別選了很久未曾唱過的歌：「有啲係十幾年冇唱，例如《數到三不哭》、《情不自禁》，我唱嗰時都有好多回憶，練歌時都會諗番當時做緊啲咩。」Kelly又提到四套服裝花費六位數字，自己尤其喜歡跟觀眾握手時穿的傘裙：「嗰part係配合rock主題，我覺得rock唔一定要着褲，着傘裙加boots都可以好rock，而且係咁轉都唔會走光，效果好好。」

《蘋果動新聞》訂閱新世代，4月開始免費訂閱，現在接受登記！
http://bit.ly/2Ja3IXw

全港打工仔特約：Lun廚動腦Q
加開1:30pm
3月11至22日
星期一至五1:30pm 10:30pm
http://bit.ly/2IZA8Ef