月前被指涉嫌抄襲嘅鼠王芬，雖然嚴詞否認，但原來有手尾，城大噚日話7月成立由協理學務副校長馮剛為主席嘅調查委員會，開快勞查梁美芬事件，而城大校友，包括97年法律系畢業嘅季詩傑，仲有李豐年同巫堃泰，噚日拎住60個學生簽名去校長辦公室抗議，要求校方調查鼠王芬06年出嗰本法律書涉嫌抄襲一事。
季詩傑指學術剽竊事關嚴重，如果查明真有其事，城大應該懲罰梁美芬，捍衞校譽，唔好包庇。佢又踩老鼠芬「質素差」，慶幸當年冇畀佢教過咁話。城大稱調查後會向大學交報告。區選臨近，鼠王芬應有心理準備被狙擊，季詩傑係南區嘅候選人。