英皇藝人衛詩雅同陳家樂傳咗好耐緋聞,但係佢哋一直都否認呢件事,仲話大家熟到撻唔著,之後衛詩雅又話自己抗拒同圈內人拍拖。
佢之所以咁講,原來佢0依家同緊一個高大嘅圈外男仔蜜運中,噚日傍晚6點30分左右,戴住Cap帽兼着黑色運動衫嘅衛詩雅,喺中環嘅STARBUCKS見到佢同埋兩個男友人喺度飲咖啡。佢同高大男並排而坐,坐佢哋對面嘅男仔,拎住一部電腦同佢哋猛講,好似講緊啲計劃,其間見佢哋講得好開心,衛詩雅仲成日望住個高大男喺度甜笑,唔覺唔覺傾咗個幾鐘先走。
衛詩雅同高大男一齊行去搭地鐵,最初佢哋各有各行,不過行行吓見到佢哋手拖手,衛詩雅仲同男友掃背,冇耐佢哋發現有人影相,衛詩雅大方咁對住鏡頭甜笑揮手,反而佢男友有點尷尬。