是日（1日）沙田七草三泥賽事，草地用B跑道，度地儀指數2.72，場地掛牌為好地。今日將不會進行壓地。

睇番上季回歸賽日亦係用B欄，當日度地儀指數2.71，賽果具參考性，全日七匹草地賽頭馬，當中有六駒守前三位建功。

其中，「霸勝」、「加州福星」及「加州再豫」都係放頭帶到，相信對具前速守前列之馬匹會有利。

今戰列陣馬中，第七場「精算風暴」曾兩度於田草B欄1200米勝出，今仗出王牌報跑強項，有力回復好表現。

另外，第九場「美麗經典」上仗正是於田草B欄放頭入位，等番同一移欄再跑且改由潘頓接手，可望贏馬補中。

至於泥地掛牌好地，硬度計指數8.04。今日三場泥地路程皆為1650米，4月至今十匹同程頭馬全部守前四位入直路建功，如最近便有「黃金甲」一放到底贏馬。

今午第二場「戈寶」及第六場「二郎」預期均會擺前走，並有機會雙雙跑獲佳績。

-----------------------------
7月4日起 《蘋果動新聞》只限升級壹會員閱覽
繼續撐蘋果！