陳瀅今日現身鑽石山，出席髮型產品活動。陳瀅平時成日俾人形容有仙氣，不過佢今日喺活動自爆試過散另類仙氣，佢指自己係全公司最耐洗一次頭嘅女藝人，佢話：「今朝我有洗頭，但對上一次洗頭已經係六日前。」問到有冇被男仕發現無洗頭？佢話：「有次一大班女仔影合照，蔡思貝企喺我後面，然係佢聞到嗰陣味，個樣怪怪哋問我係咪冇洗頭。」

原來六日並唔係佢嘅紀錄，試過一次去俄羅斯拍旅遊節目，由於地方偏遠水力不夠，前後十幾日冇洗頭，佢話：「當時天氣凍同乾爽，所以都可以，平時我平均三日洗一次，因為我髮質唔係油性，同埋工作忙，寧願將洗頭吹頭嗰半個鐘用嚟休息。」

精選娛聞，喺晒《娛果》
http://fb.com/appledailyent