韓劇《她很漂亮》女星黃靜茵前年5月與拍拖9年嘅男團SG Wannabe 33歲成員金勇俊分手，同年12月黃靜茵被爆與鋼鐵企業CEO李英敦拍拖，同時金勇俊亦自爆有圈外女友，並已拍拖半年，不過韓媒亦踢爆金勇俊嘅女友係模特兒出身嘅朴慧媛，金勇俊當時被網民質疑佢指公開戀情係為新歡炒作及借黃靜茵博宣傳。

而今日就有報道指金勇俊與朴慧媛因工作太忙而逐漸疏遠，早於1年前已經分手回復前後輩關係。不過兩人分手消息依然引起網民不滿，直言「分咗手1年先報道，係咪又想博宣傳？」，更有網民反問「兩人工作太忙而分手？」疑似暗寸金勇俊與朴慧媛冇人氣。