繼兩歲囝囝洪大仁（TJ）後，洪天明今年4月再做老竇，太太周家蔚誕下細仔JT，一家四口相當熱鬧。

今日天明同TJ父子兵上陣，為旺角舉行嘅《迷你兵團》活動擔任嘉賓，TJ不時親親爹哋，令天明冧爆。天明表示近日於內地工作，難得返港團聚，所以今晚喺屋企食飯慶祝，天明話：「太耐冇見，同佢（TJ）facetime時佢一見我就大喊。」

天明透露TJ十分痛錫弟弟，臨上床前仲會錫錫細佬。天明大爆父親洪金寶叫佢再追多個女，又話：「我諗住收工喇，不過阿爸同我哋都好鍾意女。」似乎有意再追多個喎！