該政界中人稱，盛傳林鄭想找匯豐銀行副主席王冬勝做財政司司長，但有傳王已私下表明無意加入政府，該政界中人指早前在一個飯局中，遇到一名有份量商界人士，對方已預言王冬勝不會入政府，更稱在商界有江湖地位的人，除非有野心要在政圈更上層樓，否則也不想在目前政治環境下加入政府。
該商界人士又稱，他並非說商界有份量人物拒減人工服務香港，「幾叻都好，喺呢個環境下根本乜都搞唔到」。他指政治上對立，固然是令這些商界精英卻步原因，但另一他們不會宣之於口的原因是對北京強硬對港政策有疑慮，「冇人知北京有乜嘢單畀林鄭執行，如果有啲單明明係民意反對，都要夾硬去做，到時佢哋又唔可能辭職，不如索性唔入政府好過」。
另一名法律界中人也說，袁國強以健康理由不肯留任，法律界明白袁過去4年多「夾硬啃咗好多單嘢」，所以盛傳鄭若驊拒入政府，法律界完全理解，「大家明白北京對香港干預越來越多，又要求律政司司長要忠心，所以一旦做呢個位，日後可能要做好多並不認同嘅嘢，我係鄭若驊都唔做」，但他笑言，「大把聽北京同西環話嘅人，排住隊等入政府，林鄭要人實有，差在佢啃唔啃得落」。
周一、三、五刊出
季陶