電影《淪落人》未正式上映已獲多個獎項，在今屆電影金像中，先後獲提名最佳電影、導演和男女主角等多個大獎，黃秋生、姬素．孔尚治（Crisel Consunji）、葉童、李璨琛和導演陳小娟等晚上到九龍塘出席慈善優先場。

女主角Crisel和秋生接受訪問時，對角逐影帝影后反應各異，首次演出電影即獲影后及最佳新演員提名，Crisel表示感到驚喜又榮幸：「沒想過評審們會選我。」問到可有信心獲獎，旁邊的秋生就笑言：「兩個提名喎，兩個你攞晒呀？攞個女主角咪夠囉。」而Crisel則笑稱完全沒有頭緒，但她大讚拍檔秋生是amazing person：「他很專業，很有熱誠，又經常指導我。」

而秋生就直言起初知道對方是新演員有點擔心：「唔知佢適唔適應到，但係佢好聰明好有心，成個合作都好開心。」問到秋生對奪獎可有信心？他說：「冇所謂啦，有冇都OK嘅。」 再問會否出席金像獎？他則說：「睇吓有冇時間，我好忙，好多國際事務要做，有時間咪去囉，你都知我幾惹火㗎啦，無謂麻煩。」

戲中秋生飾演一名下身癱瘓人士，要長期坐輪椅，他表示拍攝初期很不適應：「起初好唔習慣坐輪椅，唔知點控制，後來才越拍越順，連休息都坐喺上面。」秋生話拍攝期間感受到輪椅人士日常生活的諸多不便：「淨係可以坐喺度，日常生活大小二便，連換片都要一個三唔識七嘅人幫你，真係好難受，希望電影令大家多啲關注呢個問題。」

精選娛聞，喺晒《娛果》
http://fb.com/appledailyent

3月7日《動腦Q馬拉松》
一日玩11場 全日派22萬
12:30pm-10:30pm
Let's QQQQQQQQQQQ the money！
http://bit.ly/2ICO2Mb

第二屆最港電影大獎投票網址
https://bit.ly/thekongestfilmawards2018