由河正宇、朱智勛等人主演嘅韓國賣座電影《與神同行》，下集《與神同行：終極審判》將於港韓同步上映，8月1日起喺香港有優先場，9日正式上映。

新片公開三位地獄使者於人間嘅過去，片中又見到殺敵無數嘅朱智勛，卻於當使者時流淚，另外更見到飾演成造神嘅馬東石，一手掐暈金香起，一邊凶狠地望向鏡頭。片中亦見到最後一個貴人金秀鴻（金東旭飾）嚟到最後審判，跟閻羅王（李政宰飾）見面，未知金秀鴻最後可唔可以通過審判呢？

而電影公司就率先披露幾個角色有乜特別，同埋之前三位地獄使者嘅謎團亦會喺呢一集解開。今集最受大家關注除了係三位地獄使者外，當樣就係由馬東石飾演嘅新角色成造神，馬東石作為家宅嘅神，單睇外形已夠晒照，而佢喺片中到底會唔會知道地獄使者嘅身世呢？而佢到底係忠定奸，會唔會同地獄使者搞作對？定係會同佢哋合渡貴人？今集就自有分曉。

至於上集非常搶鏡嘅地獄使者，今集大家自然都好關心佢哋會有乜發展，當中地獄使者之首嘅河正宇喺最新預告片中就虰同最後一個貴人金東旭見「閻羅王」李政宰，仲大膽問：「懇請你擔任最後一位證人。」似乎預視今集會同與閻羅王之間會有秘密。

至於朱智勛同金香起呢兩位地獄使者同樣都令人關心，到底點解閻羅王要奪走佢哋兩個嘅前世記憶？今集應該會解開大家對地獄使者嘅身世之謎。當中金香起今集有時裝場面，唔知係唔係話佢唔屬於千年地獄使者，同河正宇及朱智勛等生於唔同年代。

更多韓流，喺晒《娛果》
http://fb.com/appledailyent