除咗講電影，大家更有興趣八吓佢檔豐德麗（571）之前俾對冲基金PassportCapital增持，又入稟禁止公司配股單嘢。岳少話，單嘢入咗法院，唔方便講下一步會有乜行動喎。
咁，佢係咪好似傳聞咁講，諗住再接再厲批股集資？岳少話暫時冇咁嘅計劃。咁俾人狙擊完之後，有冇諗過點樣去鞏固自己喺公司嘅股權呢？岳少竟然話：「從來冇諗過！」佢仲好公式化咁，話遲啲有消息自然會話畀大家知。
岳少嘅三句話，當然唔可以為大家解開豐德麗同Passport大戰之謎，咁大家惟有放長雙眼（斷估唔使等完3年又3年啩），睇吓最後到底係咪鬼子佬生擒大「鱷」囉！