當年今日
關於我們

被邀演電影《藍可兒》 貝安琪唔覺對死者不敬

蘋果日報 2013/08/06 06:00

貝安琪藍可兒

日前本報報道內地導演劉浩,有意將藍可兒事件搬上銀幕,當中貝安琪有份被列入邀請飾演藍可兒一角。

噚晚貝安琪同莊思敏、張美妮、未入圍港姐「栢芝奶媽」林芷嘉等,去到九展出席電影《獨行俠》首映會。

講到接拍電影《藍可兒》一事,貝安琪就話:「未有Casting,我都識位導演,知道有聯絡我經理人,我都有興趣。」

至於有冇信心取得角色,佢覺得邊個性格啱個角色就邊個演。問佢驚唔驚被人話發死人財?佢話: 「Idon'tthinkso,可能好多人有呢啲問題(覺得發死人財)。」

雖然佢未睇過劇本內容,但聽聞故事內容會轉一轉,所以唔覺對死者不敬,同時佢都欣賞另一位候選角色演員高圓圓,希望有機會合作。