日本藝能界近日喜訊不絕，31歲Morning娘前成員後藤真希，噚日宣佈正陀第二胎，預產期係明年春天。同時，現年36歲日籍型男藤岡靛（DEAN FUJIOKA）亦透過粉絲網站宣佈其印尼華僑太太正陀B五個月，令已育有一對約兩歲龍鳳胎嘅DEAN明年再做老竇。

至於尊尼事務所組合TOKIO成員國分太一，今日都發傳真公報愛妻平安誕下千金，結婚剛滿一年即榮升人父。今年42歲嘅國分，今年6月於其主持嘅TBS電視台直播節目上自爆老婆有喜消息，由於國分嫂曾經係TBS幕後員工，故今日消息都令一班電視台員工感到高興，更於報紙上嘅節目表內組合出隱藏訊息來恭喜國分夫婦。