教育局局長吳克儉將離任，被指為「唔得掂」的他今約見傳媒，總結5年工作經驗。對於被戲謔為「外遊局長」，吳再呼「冤枉」，指外出為工作會議，「有啲去深圳開工作會議都被計做旅遊」，稱批評亦是政治炒作，諸如職業專才教育、一帶一路獎學金等政策亦需到當地交流、跟進，「啲政策唔係變出嚟……好似日前去珠海交流，百忙中都抽空到長隆樂園……最終落實咗啲實習機會」。

提到離任後安排，吳指會「唞番夠」，「做吓運動，睇番吓啲未睇嘅書」，並會於休息期間整理任內經驗，望未來再服務市民，惟未有明確回應會否重回政府，僅稱「有30年私人（機構）經驗、5年政府經驗」，可慢慢再思考方向，或會繼續於人力資源管理上貢獻社會。被問到會否後悔當年接任教育局局長，吳隨即嘆氣，「唉，呢個係最難答嘅問題」，稱要感謝當年特首梁振英及市民的信任，認為雖經歷不少枝節、喜樂，惟「初時（接任）嘅決定係啱」，未有後悔；又笑言曾任職教授，「所以唔幫自己（工作表現）打分……分數應該係人哋畀自己嘅」。

吳未有評價盛傳為下任教育局長人選、現任教育局副局長楊潤雄的工作表現，只稱寄望下任教育局長要特別注意人口變化及持分者對教育政策期望帶來的衝擊，又指其團體執行力高、有決心，相信能迎接挑戰。

吳總結任內施政，指五年內推出多項教育政策，如推動STEM（科學、科技、工程及數學）教學、一帶一路獎學金、生涯規劃教育，亦有增加副學士銜接政府資助學士學額，穩定人口下跌對教師團體的影響。他指任內最開心是落實「免費幼稚園教育」政策，「當時業界同我講，爭取咗二、三十年都唔得，我同佢哋講，我哋一齊努力」，稱最終政策能落實為一項奇蹟，「應該花5年嘅委員會，2、3年就搞掂」、「（幼稚園資助）由27億變67億元」，期望政策可令香港的人才效益得以提升。

不過，吳對任內出現不少政治爭拗，拖慢落實如BCA、一帶一路獎學金等教育政策，感到遺憾、不開心。他指任內面對不少政治干擾、爭拗，打擊團隊士氣之餘，亦拖慢教育政策步伐，令其感到「遺憾、唔開心」，「好似一帶一路獎學金，其實係好機會畀學生體驗新機遇」，但議案最終未能通過立法會，令局方需轉向私人機構尋求資助，拖慢步伐。

吳又回應BCA爭議，直言「我要取消一個小三評估好易，但係我要對家長、學生交代」，稱評估有助回饋小三學生教學表現，認為部分人士堅持反對是政治炒作，反問「係咪驚就等於要停止評估」，質疑反對者未掌握事實就批評，他自己在TSA／BCA存廢一事上，「自己一直教育行先……對TSA好中立、客觀」。