日本女星有村架純自從《海女》一劇後爆紅，去年佢主演套《奇蹟補習社》仲大賣，佢噚日就出席咗Elandor獎頒獎禮，呢個頒獎禮係鼓勵去年有傑出表現嘅新人。而現時有村亦擔正演出「月九」劇集《何時想起這段戀愛也會哭》，事業可謂當旺。

今日出版嘅《FRIDAY》就拍到早排有村一個人去咗東京澀一間便利店，買咗支水同牛奶咖啡之外，佢仲一買買咗三盒香口膠，《FRIDAY》就話佢應該係準備開工，買咁多香口膠，好可能係為咗同劇中男主角高良健吾拍嘴戲而作準備，而佢哋喺劇中相信都有唔少咀嘴鏡頭，所以有村先至要買咁多香口膠！