法國中場普巴周二晚代表國家隊友賽對俄羅斯時射入靚絕罰球，慶祝動作異常激動，不過大家唔好誤會，普巴並唔係向曼聯領隊摩連奴示威，而係將入波獻給天上的父親。

據悉，普巴的父親生前長期與病魔搏鬥，最終於去年五月與世長辭，享年79歲。剛巧周二正是普巴父親的生忌日子，故普巴入波先是雙膝跪下，然後掀起球衣、舉高雙手指向天空，只見普巴藏在球衣後面的恤衫寫著：「生日快樂，爸爸。願真主憐憫他。」

賽後普巴亦在twitter上發文：「父親生日快樂，感謝你一直關注我和哥哥。法國國家隊今場贏得漂亮！」可見普巴同樣有鐵漢柔情的一面，溫馨舉動令人動容。

--------------------
係你！打造星級球隊，征服各地聯賽！立即加入『BFB CHAMPIONS 2.0』！ http://bit.ly/2xrTKGM