政府計劃以九龍東作為發展「智慧城市」試點改善區內環境，擬在觀塘海濱道安裝閉路電視，監察貨車上落貨，若違泊一小時以上，有可能就違例情況通知執法機關，有司機表示贊成，認為有助紓緩車位不足的情況。

任貨車司機幾十年的賴先生認為，一般上落貨 「最多半個鐘，一個鐘頭，落咩貨都夠。」至於有意見擔心安裝閉路電視會引發私隱問題，他則認為問題不大，「（我哋）有咩私隱呀？」

輕型貨車司機陳先生認為，安裝閉路電視監察上落貨合理， 「（有啲貨車）泊成日唔係咁好」；又指閉路電視安裝後，會提高警覺性， 「會小心啲，落完就快啲走」。

從事回收業的嚴先生，指觀塘巧明街一帶平日禁區多，工作所需，要多次來回大廈和貨車之間，曾在一日內收到幾張 「牛肉乾」。他指安裝閉路電視協助執法「無可能啦！咁多張（牛肉乾）都要搏，如果真係勁，最多唔做。」