FC首爾雖然只可以打季軍戰，但未有阻礙三位喺香港返工嘅韓妹入場力撐家鄉球隊，佢哋話韓國女仔都好鍾意睇波喎，仲送個招牌心心手勢畀讀者㖭！

除咗韓妹，仲有皇仁足球校隊嘅Matthew受到影咗相超過30年嘅爸爸Michael影響，喺初一同今日拜完年之後，入場睇賀歲波，仲每人帶埋「大炮」影靚相，作為家庭活動。

至於初一已經入場撐球隊嘅鄧先生，著咗另一件主場首爾波衫入場，曾經去過首爾主場睇波嘅佢仲買咗條紀念版頸巾留念，佢就話正正因為韓職夠冷門冇乜人留意，所以先鍾意睇韓職喎。