【英國探女】梁芷珊孖舊愛搞米芝蓮餸包 搖控同王維基合作
蘋果日報 2020/03/09 19:20
王維基梁芷珊HKTVmall
武漢肺炎在全球肆虐，外國人聞華人色變，越來越多國家對香港實施封關，上月到英國探女的梁芷珊，本來安排會飛返香港，監督她跟米芝蓮舊愛廚師Olivier Elzer合作的食物研究所O' Chef Lab產品，在王維基的網購平台上架一事，但計劃趕不上變化。
芷珊接受《蘋果》電話訪問表示：「到咗英國之後，發現嗰邊情況緊張，有部份學校已經停課，我擔心飛來飛去，學校會突然要求家長喺到埗後，需隔離14日才准見子女，所以我都唔敢搭飛機返香港，每日同大廚拍檔、同事網上開會，指揮今次上架嘅project。」
由於疫情未受控，人人減少出街聚餐，經濟一落千丈，而經營外賣米芝蓮餸包的梁芷珊，最近將產品在網購平台上架，問到為何跟王維基合作？芷珊表示：「佢哋邀請我㗎，佢哋有條team，專係發掘吓啲有心品牌，一般係商戶要求上架，但做生意都要主動出擊，其實我唔單止賣食物，早排見到香港人搶米，其實喺我哋向supplier取貨方面，貨源根本好充足好穩定，所以我就望望我哋嘅供應商貨品，有啲其實用專業裝，平過我哋平時去超級市場買好多，所以我可以幫大家手物色呢啲專業餐廳用嘅嘢。」
梁芷珊身在英國
梁芷珊和舊愛主理的米芝蓮餸菜包，跟王維基的網購平台合作。
芷珊在英國搖控生意
下月才返港