導演吳思遠當年亦是出身邵氏副導演，他形容六叔非常熱愛電影，每日都會到片廠巡視及看電影，他說：「睇自己片同人哋嘅片，佢開到聲啲人就會送拷貝畀佢睇。六叔拍嘅都喺商業，唔會拍藝術片，當年香港電影大部份都係佢拍。佢當年簽咗好多新人，因為佢有呢個條件，拍戲、上映同發行一條龍，王羽、姜大衛同狄龍都係佢培養出嚟。香港電影水平都係由佢提高，佢生產嘅國語片打低當年7日鮮嘅粵語片，有完整劇本同正規片廠。」

至於另一導演杜琪峯，亦感謝六叔對香港電影貢獻，他說：「好多謝邵先生（邵逸夫）對香港電影的貢獻，亦都令到我哋香港電影工業養活咗好多人。」